მესტიის მუნიციპალიტეტის ფარის საჯარო სკოლის ეკოკლუბ “GREEN SPACE-ის“ ორგანიზებით მოსწავლეთა კონფერენცია გაიმართა. კონფერენციის თემა იყო "მდგრადი განვითარების მიზნები 2030-ძლიერი გამოწვევა და დიდი შესაძლებლობა“

კონფერენციის მიზანი სკოლის მოსწავლეებში გარემოს დაცვითი განათლების ხელშეწყობა, გამოცდილების გაზიარება, სკოლის ეკოკლუბების საქმიანობის წარმოაჩენა და სკოლებს შორის აქტიური თანამშრომლობის კულტურის გაძლიერებაა.

ფარის საჯარო სკოლის პედაგოგი ეკატერინე წულუკიძე ამბობს, რომ მესტიის მუნიციპალიტეტის სკოლებში მოქმედი ეკოკლუბები, რომელებიც დააარადა ნიკო კეცხოველის სასკოლო პრემიის ფარგლებში, წლების განმავლობაში აქტიურად ახორციელებდნენ და დღესაც ახორციელებენ გარემოსდაცვით აქტივობებს და მნიშვნელოვნად უწყობენ ხელს საკუთარ თემში "მდგრადი განვითარების 2030 -ის" მიზნების დანერგვას.

მისივე თქმით, ახალგაზრდა გარემოს დამცველები საკუთარი საქმინობით ცვლიან არსებულს უკეთესობისკენ, ხდებიან თემში როლური მოდელები და ნოვატორები.

კონფერენციაზე მოხსენებით წარდგნენ მესტიის მუნიციპალიტეტის #3,ლახამულის,მულახის,იელის და ფარის საჯარო სკოლები.

კონფერენციის მხარდამჭერებმა გამოავლინეს თავიანთი რჩეული გუნდი. კომპანია "სვანეთი ჰიდორს" რჩეული სკოლები გახდნენ,მესტიის მუნიციპალიტეტის,სოფ.ლახამულისა და დაბა მესტიის # 3 საჯარო სკოლა,რომელთაც კომპანიისგან  საჩუქრები გადაეცათ.

მესტიის მუნიციპალიტეტის მერიის რჩეული სკოლა გახდა სოფ.ფარის საჯარო სკოლა.

მესტიის მუნიციპალიტეტის ფარის საჯარო სკოლამ კი თავის რჩეულად მულახის საჯარო სკოლა დაასახელა და მათ სიმბოლური საჩუქარი გადასცა.

კონფერნციაში მონაწილე გუნდებს სერთიფიკატები გადაეცათ.

ეკოკლუბ ,,ECO-R" კონფერენციის პარტნიორები იყვნენ მესტიის მუნიციპალიტეტის მერია, კომპანია "სვანეთი ჰიდრო", გარემოსდაცვითი განათლების საინფორმაციო ცენტრი და მესტიის მუნიციპალიტეტის რესურსცენტრი.